Jowai, Naitung 08: Ka Party Congress lyngba ka District Congress Committee-West Jaiñtia Hills (WJH-DCC) mynta ka sngi Balang kala pyllait ïaka khubor kitbok kitrwiang bad ai khublei Behdieñkhlam basuk ba kmen ïa waroh, khamtam ïaki Khun ka Seiñraij bapher bapher kiba pyndep ïaka Lehñiam Behdieñkhlam ha une u snem naduh ka Seiñraij Jowai, Seiñraij Tuber, Seiñraij Muthlong, Seiñraij Ialong, Seiñraij Sohkymphor bad ka Seiñraij Mukhla.
Ka DCC West Jaiñtia Hills, ka kibok kitrwiang bad ka ai khublei kyrpang lyngba ka jingpyndep ïa ka lehñiam Behdieñkhlam myntu u snem da ki raij bapher bapher yn wanrah ïa ka jingkyrkhu kyrdoh na u Tre Kirot naduh koit ka khiah, ka kamai kajih bad kumjuh ka bha ka miat ha ki kam ki jam.
Shuh shuh la ong lyngba kane ka Behdieñkhlam kan beh shajngai ïa ka pang ka shitom, ka jingbishni hadpeng ki para jaitbynriew, kan wanrah ïa ka jingïaieit, ka jingïatylli bad ka roi ka par ha baroh ki liang, la pynkut ka kyrwoh na DCC President ka West Jaiñtia Hills u ma Rikut N Parien.
