Duhnong ki paidbah ka Mawsynram bympoi trei ki nongtrei sorkar ha ki sngi long trei

Shillong, Naitung 7: Ki Nnongialam ka Seng FKJGP South East Khasi Border Circle kila lap da la ki jong ki khmat ba ki nongtrei sorkar kiba bun kim shym la poi sha ki jaka ba ki trei ha Mawsynram, wat lada ka dei ka sngi trei.
Na ka liang jong ka Federation ha ka 6 tarik u Naitung hapoh ka jingialam u Samla Entrust Snaitang uba dei u General Secretary ki la leit jurip ïa ki office sorkar kiba don hapoh Mawsynram namar ka jingujor bad ka jungud ka jingnam ki paitbah namar ba bun ki nongtrei sorkar kim ju wan tista ban wan trei kumta ka la pynkynduh jingeh shisha ïa ki ba bun kiba leit donkam sha ki office sorkar.
Kumta naka liang ka seng hadien ka jingjurip ka la lap ba bun ki nongtrei office sorkar ki wan duna bha bad kaba sngewsih ka long ba don ki office sorkar kiba ym don nongtrei.
Naka liang ka seng ka maham bad ka kyntu jur ïa ki nongtrei sorkar ba kidei ban wan trei ha ki sngi long trei bad kumjuh ruh ïa kito ki nongtrei kiba leh mon bad ki bym ju wan trei tista bad kiba ju pep trei ha ki sngi long trei khlem kino kino ki kam.
Ka seng ka maham ba lada ka dang lap ba kane ka dang ïai bteng na ka liang ka seng kan sa leh da kaba tyngeh namar kane ka jingleh ka jong ki ka pynduh nong ïa u paitbah ka dong ka thain haba ki leit donkam lada kim lap ba don nongtrei ha ki sngi long trei.
Naka liang ka seng hadien ka jing jurip ka lap ia shibun ki office sorkar kiba la sator kiba la jot kumta ka seng ka kyntu ia ka sorkar ba ka dei ban leh ei² ban maramot ia kito ki building kiba la jot khang ba kan long kaba itynnad bad kaba donburom.