SHILLONG, Naitung 06: Ka Golflink SC ka la pynthikna ïa la ka jong ka jaka ha ka Semi final jong ka Shillong Sports Association U-20 4th Division Football League 2026 da kaba pynliem ïa ka Iatylli SCC da 3-1 hynne ka sngi Nyngkong ha ka jingïakhun Quarter final.
Haba phai sha ka jingïalehkai ka Golflink ka la ïoh ba kan lamkhmat shuwa lyngba ka kol jong u Jilistin Warbah (9’) hynrei ka Iatylli SCC ka la pynïakhaid shipor lyngba u Kitbok Maskut (33’).
Hynrei ka Golflink ka la wanphai da kaba tyngeh ha ka kylla miet ban thep ar tylli ki kol lyngba u Dibian Suting (72’) bad u Micky Makri (80’).
Ka jingïakhun Quarter final jong ka SSA U-20 4th Division Football league 2026 ha kane ka sngi Ba-ar (07.07.2026) kan long ha ka por 4 baje janmiet hapdeng ka Mawpdang SC pyrshah ïa ka Them Rangshken SC.
