Mawkyrwat, Naitung 5: Ka Dorbar Shnong Jakrem lyngba u bah Pascal Wahlang ka pyntip sha baroh ki paidbah ba kawei ka longkmie ba la tymmen kaba kyrteng ka Kong Joit Kharlyngdoh, kaba na shnong Jakrem, South West Khasi Hills District ka la jah na ïing naduh ka 4 tarik Naitung (July), 2026 ha ka por kumba 3 baje janmiet.
Ha ka por ba ka jah, ka Kong Joit Kharlyngdoh ka phong jaiñ bad ka tapmoh da ka jaiñ kyrshah.
Namarkata, ka Dorbar Shnong Jakrem ka kyrpad ïa baroh ki paidbah ba lada don kiba ïohi ne lap ïa kane ka longkmie, sngewbha ban pyntip kloi katba lah sha ki Rangbah Shnong Jakrem ne phone ha kine ki nombor harum: 8787741202, 8837072958, 9366050946.
Ka jingïarap jong phi ki paidbah kan long ka jingkyrkhu kaba khraw eh ban pynsuk ïa ka ïing ka sem bad ban lap noh ïa ka Kong Joit Kharlyngdoh.
