Pan jingmut ka tnat PWD na ki paidbah halor ka jingdonkam ka jingpynkhreh ïa ka MLCIP

Shillong, Naitung 04: Ka Public Works Department (PWD), jong ka sorkar jylla ka la khot ïa ki tnat sorkar, ki nongialam jong ki shnong, ki nongïalam ha ka imlang sahlang kiba seng, ki nongpyndonkam ïa ki surok bad ïa ki paidbah ban ai ki jingbishar bad ban ai ki jingmut halor ka jingdonkam ban khmih ïa ka sawdong sawkun ba la pynkhreh ban tyrwa ïa ka Meghalaya Logistics and Connectivity Improvement Project (MLCIP).
Ha ka jingpynbna paidbah, ka tnat ka ong ba ki kot ki sla ki khot na ka bynta ban ïasyllok ba kynthup ïa ka Environmental and Social Management Framework (ESMF), Indigenous Peoples Planning Framework (IPPF), Resettlement Policy Framework (RPF), bad ka Stakeholder Engagement Plan (SEP).
Ïa ki draft document ki la long kiba la buh na ka bynta ba kin bishar ba la buh ha official website jong ka Meghalaya PWD. Lah ruh ban ïoh ïa ki Hard copy ba la ïoh napoh ka ophis jong ka Public Works Department bad napoh ka Project Director jong ka Meghalaya Infrastructure Development Finance Corporation (MIDFC).
Ka tnat ka la khot sngewbha ruh ïa ki riewshemphang bad ki paidbah ba kin ai ïa ki jingmut jong ki, ki jingkynthoh, bad ki jingshem hapoh ka 23 tarik mynta u bnai. Kito ki bym lah ban shim bynta ha kane ka jingïasyllok ki lah ban phah ïa ki jingai jingmut jong ki lyngba ka email sha ka megapwd2024@gmail.com, megamidfc2024@gmail.com, lane ka esmlcip@gmail.com.
Katkum ka tnat ka la ong ba ki jingai jingmut ba la ïohpdiang ha ka por ba pynlong ki jingïalang kin ïarap ban pynkhlaiñ ïa ka project environmental and social safeguard frameworks (PESF) bad kan synniang ïa ka jingpyntreikam kaba biang halor ka Meghalaya Logistics and Connectivity Improvement Project.