Shillong, Lber 23: Ka Ïingkashari jong ka Chief Judicial Magistrate ka East Khasi Hills, kala hukum ban set along haduh 5 snem kynthih ïa ki 3 ngut ki briew, ïa kiba la kynnoh donkti ha kaba leh khlemraiñ ïa uwei u Khynnah ba dang 13 snem ka rta.
Kat kum ka jingpyntip u Superintendent of Police ka East Khasi Hills Bah S Nongtnger, kine ki laingut ki briew ki kynthup ïa u Mahindra Sahi ba ju khot sin u Kalu, u Asun ba ju khot sin u Oshun Chettri bad u Bobby Chettri.
Une u Heh Pulit u pyntip ba ha ka 11 tarik Jylliew 2011, ki Pulit ka Lumdiengjri kila ïoh pdiang ïa ka ejahar (FIR) ba uwei u Khynnah 13 snem ula shah leh khlemraiñ. Ïa kane ka case la register hapoh ka kyndon 377/34 jong ka IPC bad pynkhamti ha u Inspector MR Marak ba un pynlong ïa ka jingtohkit.
La ïathuh ba ha ka jingtohkt, ki Pulit kila kem ïa laingut ki briew bad tang hapoh shibnai ba register ïa ka case, la chargesheet ha ka 07 tarik Naitung 2011.
Ka Ïingkashari Chief Judicial Magistrate ka East Khasi Hills ha ka 17 tarik Lber 2022, kala hukum ban set along ïa kine ki laingut haduh 5 snem kynthih kat kum ka kyndon 377/34 IPC.
