Shillong, Jylliew 26: Ka ophis treikam jong ka District Election Officer, South West Garo Hills, ka la pynbna ba ïa ka Election Commission of India (ECI), ha ka jingpyn treikam ïa ka bor jong ka hapoh ka Article 324 jong ka Riti synshar ka Ri India bad ka Section 21 jong ka Representation of the People Act, 1950, ka la hukum ïa ka jingpyniaid ka Special Intensive Revision (SIR) iaka jingthep vote ha ka jylla Meghalaya.
Ka jingpynkylla thymmai ka thmu ban pynthikna iaka jingbeit bad ka jingjanai jong ki kyrteng thep vote da kaba kynthup ïa baroh ki nongshong shnong kiba biang ka hok ban thep vote bad pyndam noh ïa kiba ym dei shuh ne bym biang ka hok.
Katba ïa ka tarik ba la buh na ka bynta ka jingpyrshang ka long ha ka 1 tarik Risaw 2026. Yn sa don ruh ka jingleit pyntikna na ka ïing sha ka ïing da ki Booth Level Officers (BLO) naduh ka 30 tarik Jymmang haduh 29 tarik Jylliew 2026, ha kaba man ki nongthep vote kin ioh iaka phorm pynrung kyrteng lane ka Enumeration Form.
La ong ba ki nongthep vote ki hap pyndep ban thep iaki kyrteng jong ki ha kane ka phorm bad pynphai iaka kopi sha ki BLO. Lah ban pyndap ïa ki kyrteng ha ka Enumeration Form da kaba leit online ha ka por ba khmih bniah.
Katba ïa ka draft electoral roll, yn sa pynmih ha ka 5 tarik Nailar, 2026, kaba bud pat da ka por na ka bynta ban ujor bad kyrpad ban thoh ïa ka kyrteng kito ki bym pat don kyrteng ha ka phorm pynrung kyrteng naduh ka 5 tarik Nailar haduh 4 tarik Nailur 2026. Hadien katei, iaka por ba khatduh jong ka jingpyn rung kyrteng, yn sa pynmih ha ka 7 tarik Risaw 2026.
Ban pynsuk ïa ka rukom pynkylla, ïa ki kyrteng jong ki nongthep vote kaba la dep pyntreikam da ka Special Intensive Revision ha u 2005, la dep pyni have ka website jong ka South West Garo Hills distrik.
La pynkynmaw ba ïa ki nongthep vote ba la dep jied ban thep vote, ki dei ban pyn thikna bad kynmaw iaki jingtip jong ki, kynthup ïa ka Assembly Constituency, Part Number bad Serial Number, naduh ka kyrteng jong ki nongjied ha u snem 2005.
Kito ki bym pat paw ka kyrteng jong ki ha u snem 2005 ka jingjied iaki kyrteng hynrei ka kynthup iaka kyrteng kmie bad kpa, dei ban ai jingtip shaphang jong ki kmie ki kpa ha ka Enumeration Form. Ym shah kino kino ki kot bym dei ban buhlang bad kane ka phorm.
Ka Election Commission kala pynbeit pynbiang iaki jaka thep vote da kaba pynduna iaki nongjied ban shah thep vote ha man ki jaka naduh 1,500 haduh 1,200, lem bad ka jingthmu ban pynbiang iaka rukom thep vote ha ka por elekshon.
Ka District Election Officer kala pynbna ba yn sa don ki jingialang ba man ka por bad ki party sain pyrthei ba la ithuh na ka bynta ban pyn thikna ïa ka jingïatreilang jong ki ha ka jingpyntreikam kaba jop jong ka Special Intensive Revision.
Yn sa pyn beit ïa kine ki jingïalang ha ka taïew ban wan na ka bynta ban batai shaphang ki party saiñ pyrthei halor ka jingïaid beit ïaid ryntih ka kam da ka jingleh hok bad ki kyndon.
Ka District Election Officer ka la kyrpad ïa ki nongthep vote ba kin ïa bud ïa ki kyndon ryngkat bad ki Booth Level Officers ha ka por ba don ka jingleit pyn rung kyrteng ha man ki ïing briew bad ban ïashim bynta ha kiwei pat ki liang khnang ban nym don kano kano ka jingthut bad ban ïaid beit ka kam.
