Ha ka sien ba nyngkong eh ba la kyntiew ïa ka tulop jong ki nongtrei Casual ka KHADC: Bah Seibor

Shillong, Jylliew 19: Ka Khasi Hills Autonomous District Council kala ai ka jingmynjur bad pdiang ïa ka mang tyngka kaba duna T.16 lak na ka bynta u snem 2026-2027, hadien ba u Executive Member u Ban Seibor Warbah u la wanrah hapoh ka ïing dorbar.
Kat kum ka jingong u Executuve Member ka tnad Finance Seiborlang Warbah, ka ka jingmang pynlut ka long T.214, 60, 09, 410 bad ka jingpynmih pisa ka long T.214, 43, 16, 760 bad kaba duna ka long T.16.92 lak jong u snem 2026-27.
Haba kren jubab ïa ka jingiatai halor mang tyngka, u Bah Seibor u la ong ba ha ka mang tyngka ba la pynkhreh ka lah ban tam ne duna hynrei ka shong eh ha ka jingioh lum ka jingmih.
U Bah Seibor u la ong, Ha kajuh ka por ka Executive Committee kaba mynta ka don ïa ka jingthmu ban pynbit pynbiang ha ka jingpyrshang ban wanrah na ka bynta ban pynbit pynbiang.
“Kadei ka sien ba nyngkong eh ban kyntiew ïa ka tulop jong ki nongtrei Casual naduh ba ki sdang ban trei ïa ka kam ha ki 5 ne 6 snem kaba la shu sah beit tang 5 hajar tyngka” u la ong bad bynrap ruh “Ka jingleh jong ka EC kadei namar ba ka don ïa ka jingiatip lem wat haba ka don hapdeng ka jingduna pisa” ong u Bah Seibor.
Shuh shuh u la ong, “Ka donkam ïa kita ki briew kiba proh jabieng bad kiba shemphang ha ka Land Department kiba la tip bha ha kaba iadei bad ka GIS bad kiwei kiwei.
U la ong ba ka Land Ceiling kam dei ban knieh noh ïa ka bor jong ki shnong bad Hima hynrei ka long ban pynbha bad u la pynpaw ruh ba kam shym la don kano kano ka jingpynsyrwa kai ïa ka pisa.
Ha kaba ïadei bad ka tnad Forest ha ka por ba ai wai ïa ki khyrdop ka jingtip ka long T.21 lak bad ba lum pat da ka department ka ioh ban lum haduh 64 lak bad halor ka jingpynkha ia ka post ba thymmai jong ka KTMC ka long ban pynkhlain ia ka jingtrei kam halor ka jingsumar khasi.
Halor ka Professional Taxes u Bah Seibor u la ong ba ha u snem 2024-2025 ka tnad kala ioh ban lum haduh T.11 klur bad ha u snem 2025-2026 ka tnad ka ioh lum haduh T.12 klur bad ka jinglum ia ka Professional Taxes kan dang ïai kiew man u snem bad ngi khlem shongthait ban pynbha ïa ka tnad Finance.