SHILLONG, Jylliew 18: Baroh lai tylli ki jingïalehkai ka lympung SRGT 3rd Division Football League 2026 ba la pynïaid da ka Shillong Sports Association, hynne ka sngi Palei ki la kut ha ka jingïakhaid.
Ha SSA Ground, ka Umphyrnai SC bad ka Lawmali Pyllun SC ki la ïakhaid khlem kol (0-0) ban ïasam mar shi point ha ka Group B.
Nangta kawei pat ka jingïakhun jong ka Group B ha MFA Ground, la sakhi ïa ka Lummawbah SC kaba la ïakhaid mar shi kol (1-1) bad ka Kharang SC.
Ha ka jingïalehkai, ka Lummawbah ka la lamkhmat tang hadien 8 minit ba la ïaid ka kylla step lyngba ka kol ba la thep da u Arky Deron Kharpuri hynrei ka Kharang ka la jubab ha ka kylla miet da kaba pynïakhaid lyngba u Firster Mukhim (59’).
Da kane ka resol baroh saw tylli ki kynhun ha ka Group B ki la khur mar mar shi point ha ka jingïakhun ba sdang jong ki ïa ka SSA 3rd Division 2026.
Ha ka Group C, ka Mawkasiang SC bad ka Iaitylli SC ki la ïakhaid khlem kol haduh kaba kut jong ka por ban ïasam mar shi point.
Ki prokram ïalehkai ka SSA SRGT 3rd Division Football league 2026 ha kane ka sngi Thohdieng (19.06.2026)
Jaka: SSA Ground
Por- 1:00PM Pomlakrai SC pyrshah ïa ka Rynjah SC (Group C)
Jaka: SSA Ground
Por- 4:00PM Umpling SC pyrshah ïa ka Lumparing SC (Group D)
Jaka: MFA Ground
Por- 4:00PM Lapalang SC pyrshah ïa ka Sanmer SC (Group D)