Shillong, Jylliew 12: U Coy Commander, D-Coy, 22nd Bn., BSF, BOP Dalu (WGH) u la phah ka jingujor ba ha ka 6 tarik mynta u bnai ha ka por kumba 8.40 baje mynmiet, u shipai BSF u la lap ka jingïaid jong ki runar bym lah ban ithuh kiba la suba ba ki dei ki nongkhaïi tuh kiba don kumba 10 haduh 12 ngut eiei ha khappud kaba dang hab hapoh ka BP No. 1114/1-S (WGH).
Hynrei tang marsien ïohi ïa ki BSF kitei ki runar ki la phet krad na katei ka jaka bad ki la iehnoh haduh 1500 tylli ki bitor kiba 100 ML ka dawai Fairdyl Cough Linctus, kaba shongdor T. 4,02,750/-.
Halor kane ha ka 7 tarik mynta u bnai, na ka liang ki BSF ki la aiti noh ïa kitei ki tiar sha ki pulit ka Dalu PS (WGH).
Ha kawei pat ka jingjia ki pulit ki la ïathuh ba ha ka 8 tarik mynta u bnai, ki pulit ki la ïoh ka jingtip ba uwei u briew uba kyrteng u Lawanpynshngain Ïawphniaw ba la 24 snem ka rta ula hylla ha la ka jong ka iing hapoh shnong Dangar (EKH).
