Nongstoiñ, Jymmang 29: U Sub Divisional A.H&Veterinary Officer, Eastern West Khasi Hills District Mairang, u la pyntip sha baroh ki nongshong shnong hapoh ka distrik ba kan pynlong ïa ka jingai Tika ïa ki masi kiba dang shait dang khlaiñ ha man la ki shnong hapoh ka distrik, na ka bynta ban teh lakam bad rat diengkhong ia ka jingsaphriang jong ka jingpang ñiang khnap bad ñiang thylliej kaba ktah ïa ka koit ka khiah jong ki jingri.
Kumta la kyntu ia ki nongshong shnong kiba don ïa ki masi ba kin ïasnohktilang bad ka office na ka bynta ba kin shah ban ai Tika ïa ki masi jong ki. Ïa ka tarik bad ka por na ka liang ka ophis kan sa ai jingtip.
