Nongstoiñ, Jymmang 29: Ka Deputy Commissioner Eastern West Khasi Hills District Mairang, ka la pyntip paidbah sha baroh ki nongshong shnong jong ka distrik, ba ka don ka khubor hamsaia kaba la pynsaphriang halor ka jingkyrduh ne jingbym ïoh ïa ka gas shet jingshet, petrol bad diesel.
Ha kaba ïadei bad kane na ka liang jong ka ophis jong ka Deputy Commissioner, ka la pyntip katkum ka jingbthah ba lah ïoh na ka Ministry of Petroleum and Natural Gas, la pyntip ba kam shym don kano kano ka jingkyrduh ha kaba ïadei bad ka gas ne umphniang haduh mynta.
Lada lap ïa kino kino kiba die beaiñ ïa ka gas, petrol diesel khlem da ïoh jingbit, ka ophis kan pynshitom katkum ka aiñ.
