Shillong, Lber 22: Kan long ka jingkyrkhu kaba khraw ïa ki nongrep ka thaiñ Jongksha bad ki shnong ha ka Mawkynrew C&RD Block hi baroh kawei namar shen yn tei noh ïa ka ïew ha kane ka shnong ha ka mang pynlut ba 65 lak tyngka.“Ha ka 22 tarik u Lber, 2022, u MLA ka Mawkynrew, Bah Banteidor Lyngdoh uba dei ruh u Myntri Sorkar Jylla ba dei khmih ïa ka tnad kam rep u la leit ban buh ïa u mawnongrim kum ka dak ban sdang noh ban tei ïïa kane ka ïew.“ïa ka mang tyngka ban tei ïa kane ka ïew la bei da ka North Eastern Council kata T.50 lak bad T.15 lak na ka Meghalaya Basin Management Agency bad la buh thong ban pyndep ïa ka hapoh 3 bnai.“Haba kren kum u kongsan, u Bah Banteidor Lyngdoh u la pynpaw ka jingkhmih lynti ba ynda la dep kane ka ïew, ki nongrep kin ïoh ban ïa die ïa thied bad pynïaid ïew ïa ki mar rep jongki na kane ka ïew.“Ha kane ka sngi la ïadon lang ruh u BDO ka Mawkynrew, u Bah LT Tariang uba la pynïaid ka jingïalang, u Bah AS Suting, Deputy Director MBMA, ki ophisar na ka tnat Agriculture bad Horticulture, ki ophisar na ka Basin Development, u Bah Olet Kharsahnoh, Sordar Jongksha lem bad ki paid nongshong shnong.
