Ïoh u Bah Daniel nongpynwandur ïa ki jaiñ ïa ka khusnam “Iconic Trailblazer in Regional Couture”

Shillong, Jymmang 12: U nongpynwandur ïa ki jaiñ ba pawnam ka jylla Meghalaya, u Daniel Syiem u la ïoh ïa ka khusnam “Iconic Trailblazer in Regional Couture” ha ka jingsam ïa ka khusnam ha ka Oriflame Presents WhosNext2026 Influencer Awards – East & Northeast Edition, kaba la pynlong ha Kolkata.
Ïa kane ka tamasa kaba la pynïaid da ka rynsan thoh kot khubor, ka Whosthat360 bad la wanrah da ka kompany Oriflame India, la don ka jingrakhe bakhraw da ki nongthaw ba pawnam, ki nongdro bad ki nongpynkylla dur bapher bapher na kylleng ka thaiñ mihngi bad ka thaiñ shatei lammihngi ka ri India, bad ka Meghalaya Tourism kum ka Associate Partner.
La ong ba ïa u Daniel Syiem, uba la tip kum uwei na ki nongpyndur ïa ki jaiñ ba pawnam lyngba ki khana, u la long ruh uwei na ka sur ba khlaiñ tam ban mih paw na kane ka jylla Meghalaya, ha kaba u la pynithuh ïa ka kolshor jong ka jylla Meghalaya ha ki rynsan bapher bapher kum shabar ka Meghalaya bad shabar ka Ri India.
Lyngba ka jingtrei jong u, u la pyni ïa ka jingitynnad jong ka riti ka dustur jong kane ka thaiñ mihngi ba hap ha India, ki jaiñ bad ka jingtrei kti katba u lah pynkupbor ïa ki nongshna kti lane ki nongshna ïa ki jaiñ da ki kti kane ka jylla Meghalaya bad pynneh pynsah ïa kaba hiar pateng da ka jingïathuh khana.
Ha ka jingïoh pdiang ïa katei ka khusnam halor rynsan, u Daniel Syiem uba la dap da ka jingkmen u la pynkynmaw halor ka jingïaid lynti jong u bad ka jingthmu kaba u la sdang nyngkong na kane ka jylla Meghalaya.
Ka long ka burom ban ïohpdiang ïa ka khusnam Iconic Trailblazer ha ka Regional Couture Award. U ai khublei naduh ka mynsiem sha ka kynhun ha ka Whosthat360 na ka bynta kane ka jingithuh.
Ka jingïaid lynti jong u ka la sdang naduh ba u dang khynnah na ka jylla sha thaiñ mihngi, da kaba don ka jingthrang bakhraw ban sam ki khana jong ki briew jong u lyngba ka jingpyni riam pyni beit.
U la ong ba u ïeng hangne mynta ka sngi, ula sngew kumba ïoh jingkyrkhu ban ïoh pynurlong ïa ki jingphoh sniew jong u. Kane kam nym lah ban long khlem ka jingai ei bad jinglam lynti jong u Blei.
U ai khublei na ka bynta kiba kyrshan ïa u na ka por sha ka por, ki bahaïing ha sem jong u, ki paralok bad ka kynhun jong u, kiba long kum u shyieng bud lum kane ka jingjop baroh.
Haba ïakren shaphang kane, ïa ka jingithuh ïa u Daniel Syiem ha ka East bad Northeast Awards ka long ka jingpynkynmaw na ka bynta ka jylla Meghalaya, kaba la rakhe ym tang ba ka ïoh ïa ka nam ha ka jingpyni riam pyni beit, hynrei ka jingïar jong ka bor halor jong ka jing kren shaphang ka kolshor jong kane ka thaiñ lam mihngi ka ri India halor ki rynsan bakhraw.