Ki don bun ki longïing kiba la khang ban dih um mar yndep bam, ha shuwa ne hapdeng ba dang bam. Kumjuh ruh ki phikir halor ka jingmlien ban umum ha ka por ba dang bam lane mar iadep bam. Kham bunsien hi la kham jied ban dih ka um kaba syaid ha ka jaka ban dih da ka um pjah lane kaba buh ha refrigerator wat hapdeng ba dei ka aïom lyiur ruh.
Kine ki jingpynpaw ki lah ban pynlyngngoh, hynrei la kdew ba kane ka jinghikai ka dei kaba lah ban ai jingmyntoi, namar ka jingdih um syaid khamtam hadien kumba 15-20 minit ba la dep ban bam ka dei kaba ïarap ban pynhïar ka jingkhia. Ka umsyaid ka dei kaba ïarap ban aibor ïa ka met, ka jingpynjanai halor ka jingtylliat jingbam, ka jingtreikam hapoh ka met bad pynduna halor ka jinglum thup kiba ym lerkam kiba don hapoh ka met jongngi.
Ka jingdih umsyaid ka ïada na ka jingkhim lane jinglong dait ki snier, kiba ïarap ka jingpynmih ki jakhlia na ka met. Ka umpjah ha kawei pat ka liang, kam ai jingiada ïa ka koit ka khiah ka jingtylliat bha ka ’nierbam, khamtam lada dih hapdeng ba dang bam lane hadien mar ïa dep bam. La ju ai jingmut ba kito ki briew kiba sngewtynnat ban dih da ka umpjah kim dei ban dih hashuwa ne hadien ka 20 minit ka por bam ne ban dih lang hapdeng ba dang bam, hynrie ki die ban dih haien kumba 25-30 minit hadien bala dep bam. Katba ka umsyaid pat ka dei kaba pynjanai halor ka jingtylliat jingbam bad ïarap ban pynkhuid ki jakhlia kiba don hapoh ka met.
Ka umsyaid ka ïarap ban pynstet halor ka jingpynum ki jingbam. Ka jingdih da ka umpjah ha ka por bad hadien ba la dep bam ka dei ka daw ba pynlong ïa ki umphniang kiba don ha ki jingbam kin long eh bad lah ban wallam ka jinglum jong ki fat ha ki snier. Ka umsyaid ka dei kaba iarap ruh hapdeng kito ki briew kiba don ka jingshitom kum ka jingdap lyer bad ka jingeh kpoh.
Ka jinglong dap kpoh bad ka jingba ym lait kpoh ka dei kaba wanjia na ka daw ka jingduna um ka met. Ka jingpynmlien ban dih um khamtam da ka umsyaid ka ïarap ban pynkhuid kpoh bad halor ka jingtylliat jingbam, bad ïarap ïaphi ban pyllait na ka jingeh kpoh. Ka jingtreikam bha ki snier tylliat jingbam ka long ka lynti kaba koit ba khiah halor ka jinghiar ka jingkhia, bad ka umsyaid ka dei kaba wallam ka koit ka khiah halor ka jingtylliat jingbam.
Ka jingtreikam bha hapoh ka met ruh ka don ka bynta kaba khraw halor ka jinglah ban pynhiar ka jingkhia. Ka umsyaid ka pynjur ka jinglong syaid jong ka met bad dei halor kane ka aibor ka jingtreikam hapoh ka met jongngi. Ka jingjur ka jingtreikam hapoh ka met ka ïarap ban pynum bun ka calorie, kaba long ka daw halor ka jinglah ban hiar ka jingkhia.
Kumjuh ruh ka jingdih umsyaid ka pynjanai halor kiwei pat ki jingtreikam kum ka jingtreikam ba don jingïadei bad ki khyllai bad kumjuh ruh bad u Dohnud. Ka jingdih ka umsyaid ba la khem ka um sohjew ne ka sha ha ka por mynstep ka dei kaba lah ban sait pynkhuid ki jakhlia kiba don ha ka met.
Shiklat ka umsyaid ha kano kano ka por, khamatm hadien ba phi la dep bam ka ïarap ban pynum kloi ka fat ba don ha ka met bad khanglad ruh halor ka jinglong lamher.Shuh shuh ka jingdih umsyaid ka ai jingmyntoi ruh ha kiwei de ki liang ba kynthup ka jingpynduna ka jingpang, ka jingpynjanai halor ka jingtuid jong ka snam bad khanglad halor ka jingnoh kloi ka met.
