Ha ka Science, Commerce bad Arts wan shakhmat ka Don Bosco Tura, St Mary’s bad St Edmund

Shillong, Jymmang 4 : Ka Meghalaya Board of School Education (MBOSE) ha ka Lah Sngi U Blei, ka la pynbna ïa ka result jong ka eksam Higher Secondary School Leaving Certificate (HSSLC) bad ka Don Bosco College, Tura ka la wan hakhmat duh ha ka Science stream, ka St. Mary’s Higher Secondary School Shillong ha ka Arts, bad St. Edmunds Higher Secondary School, Shillong ha ka Commerce stream.
Ha ka Science stream, u Dechro M Marak jong ka Dos Bosco College, Tura, ula ïoh ïa ka kyrdan ba hakhlieh duh da ka jingïoh 472 marks.
U Amos Chinminlun ka St.Anthony’s Higher Secondary School, Shillong ula wan ba-ar da ka jingïoh 470 marks, bud sa u Vishal Rai ka Laban Bengalee Boy Higher Secondary School, Shillong ha ka kyrdan ba lai da 464 marks.
Ka Science stream ka la sakhi ïa ka jingpass ki khynnah ba kot haduh 83.70%, ha kaba 3,124 napdeng ki 3732 ngut ki samla pule ki la pass ïa ka eksam na ki 70 tylli ki centre.
Ka South West Garo Hills ka kot haduh 100% kiba pass, bud sa ka West Khasi Hills kaba kot 95.78% bad ka West Jaintia Hills ba kot 93.50%.
Ha ka Arts stream, ka Maghashree Roy jong ka St. Mary;s Higher Secondary School, Shilllong ka la ïoh ïa ka kyrdan ba nyngkong da 457 mark. U Joziah Daman Laloo bad Nakisakahuni M Pakyntein, kiba dei na St. Anthony’s Higher Secondary School, Shillong kila ïoh ia ka kyrdan ba-ar bad ba-lai da ka jingïoh 452 marks bad 446 mark.
Haduh 20,882 napdeng ki 23,559 ngut ki samla ki la pass ïa ka eksam ba la pynlong ha ki 113 tylli ki centre, kaba ka jingpass ka kot ïa ka 88.63%.
Ka East Khasi Hills bad Eastern West Khasi Hills ki dei kiba don bun eh kiba pass kaba kot haduh 96.20%, bud sa ka West Khasi Hills ba kot 94.94% bad ka West Jaintia Hills ba kot 92.98%.
Ha ka Commerce stream, ka Priya Ghosh jong ka St. Edmund’s Higher Secondary School, Shillong kala ïoh ïa ka kyrdan ba nyngkong da ka jingïoh 458 marks.
Ka Ankita Das bad Rashika Debnath, kiba dei na St.Anthony’s Higher Secondary School, Shillong, ki la ïoh bat ïa ka kyrdan ba-ar bad ba lai da ka jingïoh 453 bad 452 marks.
Ka jingdon jong kiba pass ha ka Commerce stream ka kot 87.49%, ha kaba 2155 na ki 2463 ngut ki la pass ïa ka eksam na baroh ki 58 tylli ki centre.
Ka East Jaintia Hills ka la wan hakhmat duh napdeng ki district da ka jingkot kiba pass haduh 98.18%, bud sa ka West Jaintia Hills ba kot 94.70% bad ka Eastern West Khasi Hills ba kot 94.68%.
Ka Vocational stream ka kot ïa ka jingpass haduh 95.23%, ha kaba 20 na ki 21 ngut ki kyrtong kila pass ia ka eksam.