Shillong, Ïaïong 25: Ka Sorkar Jylla ka la thung ïa u Additional Secretary Ramakrishna Chitturi kum u Nodal Officer jong ka Meghalaya Right to Public Services Act, 2020, na ka bynta ka tnat Planning, Investment Promotion & Sustainable Development.
Ïa kane la pyntip da u Commissioner & Secretary u Bah CVD Diengdoh ha ka jingpynbna ba la pynmih ha ka 21 tarik Ïaïong.
U Chitturi u dei u Additional Secretary ba khmih ïa ka tnat Planning, Investment Promotion & Sustainable Development.
Ka official email ID jong u kadei ramakrishna.chit-turi@ias.gov.in.
Ka Meghalaya Right to Public Services Act, 2020, ka bthah ba dei ban pynpoi ha ka por ba biang ïa ki jingshakri paidbah sha ki nongshong shnong bad ka ai bor ruh ban pynshitom ïa ki nongtrei Sorkar ba la thung lada kim lah ban pyndep ha ka por ba la buh.
