Shillong, Ïaïong 25: Ha kawei jingjia kaba sngewsih kaba la mih na ka jingïakajia ha ïing ha sem, la kynnoh ba uwei u briew u la pynïap ïa la ka lok ha miet jong ka 23 tarik u Ïaiong, ha ka shnong Kurikhal Mawblei, kaba hap hapoh ka jingpeit jong ka Dorbar Shnong Majai.
Na ka liang u Superitendent of Police (SP) ka East Khasi Hills u la pyntikna ha kaba ïadei bad kane ka jingjia
Utei briew uba shah kynnoh la tip kyrteng kum u Ashish Dey.Katkum ki khubor ki ïathuh ba ka la mih ka jingïania hapdeng kitei ki arngut, kaba la nang jur bha.La kynnoh ba utei u briew da ka jingbitar u la shoh ïa la ka lok jong u, kaba la pynlong ïa ka ban ïap.
Hadien kata, la ïathuh ba u la sngewklumar jingmut bad namar ka jingtieng, u la shim ïa la phasi noh ïa lade ha uwei u dieng uba don hajan rud surok bad kaba ym jngai na ka jaka sah jong ki.La khmih lynti ba ki bor pynïaid kin tohkit bniah shuh shuh ïa kane ka jingjia.
