SHILLONG, ïaïong 25: Ka Sunrise Academy ka la lah ba kan pynliem noh da 40 ron ïa ka RB AnupChand Hindi High School ha ka jingïakhun Quarter final jong ka lympung Shillong Cricket Association Inter School Under 18 Cricket Tournament 2026 ba la long hynne ka sngi Saitjaiñ.
Haba tied nyngkong hadien ba jop ïa ka jingkynting pisa (toss) ka Sunrise Academy ka la lah ba kan kamai 116 ron bad khyllem 6 wiket haduh kaba kut jong ki 20 ober. U Numan Ahmed u la noh synñiang 29 ron naki 37 bol, katba u Huzain Hussain u la tied 19 ron naki 17 bol. U Deepak Ray jong ka RB AnupChand Hindi High School u la khur 3/24 naki 4 ober.
Ynda ladei ka pali tied jong ka RB AnupChand Hindi HS, ki nongpynïaid lyngba ka DLS Method, ki la pynduna ïa ka thong sha ka 86 ron bad tang 12 ober, ha kaba kane ka kynhun ka la lah ba kan kynjoh tang 45 ron bad khyllem 7 wiket. Dei tang u Shankar Shah uba la kham pawkhmat ha ka tied da 12 ron naki 24 bol.
Naki nongkawang bol jong ka Sunrise Academy, u Ashish Kumar u la pynkut ryngkat ka jingkheiñ kaba 3/7 naki 4 ober, bad khur ruh ïa ka khusnam Player of the Match; katba u Numan Ahmed u la khur 2/20 naki 4 ober.
