Lah ban ym sei kyrtong ka UDP ha ka MP elekshon shiteng samoi ban pynleit jingmut sha u 2028

Shillong, Iaiong 13 : Ki don katto katne ngut ki MLA jongka UDP kiba kwah ba ka party kan ym pynïeng kyrtong ha kane ka By Election MP Lok Sabha ka ban sa long hadien ka jingkhlad noh jong u MP u bah Ricky AJ Syngkon na ka VPP.
Uwei u MLA u bym kwah ban pynpaw kyrteng ïa lade u la ong “ Ngi la ai jingmut ban ym sei kyrtong ha kane ka by election hynrei ba ka party kan pynleit jingmut ha kaba pynkhreh ïa ka election MLA 2028” Kane ka jingai jingmut ka la wan hadien ba ka party ka khlem leh bha ha ka election Lok Sabha 2024 namar u kyrtong jongka u bah Robertjune Kharjahrin u ïoh tang 44,563 votes.
Kham mynshwa uwei na ki Nongïalam ka UDP u la ong ba ka Party ka dang twad jingmut shwa na baroh ki Constituency ha ri lum Khasi bad Jaintia.
Hadien kane ka party kan sa shim ïa ka rai kat kum ka kaiphod ba ka la ïoh na ki nongïalam jongka. “ Ngin sa rai hadien kata la ngin pynïeng kyrtong ne ngin ym ïakhun ïa ka by election” ong utei u nongïalam.
U Bah Richky AJ Synkong u la jop ïa katei ka election MP 2024 da 507,078 votes. Ha katei ka eletion ka Dr Ampareen Lyngdoh na ka NPP ka ïoh 186488 vote, u Prof Lakhon Kma Independent 18562 vote bad u bah Peter Chalam Independent u la ïoh 7024 vote.