Shillong, Naitung 14 : Ka Jylla ha ka sngi Palei ka la sakhi ba ka jingdon ki briew kiba ïabit thymmai ïa u khniang jingpang COVID-19 ka la poi haduh 32 ngut kaba pynlong ïa ka jylla mynta ban don haduh 141 ngut kiba shah sumar ha kylleng ki bynta jong ka jylla.
Kitei kiba ïabit thymmai thymmai ki kynthup ïa ki 20 ngut na West Garo Hills, 9 ngut na East Khasi Hills, 2ngut na North Garo Hills bad iwei na South Garo Hills. Katba ki 22 ngut kiwei pat kiba koit ha kane ka sngi ki kynthup ïa ki 14 ngut na East Khasi Hills, 6 ngut na West Garo Hills bad mar iwei na Ri Bhoi bad West Jaintia Hills.
Kumban shu kdew hangne, ka distrik kaba bun kiba ïabit ïa kane ka jingpang ka dei ka East Khasi Hills bad West Garo Hills kaba don mar 55 ngut ki nongpang bud sa ka Ri Bhoi da ki 19 ngut.
