Yn bei tyngka ka CM Secretariat ïa ka jingpule ki khunswet kiba pas bha ha ka SSLC ka Khasi-Jaintia

Shillong, Ïaiong 11: U Myntri Rangbah ka jylla u Conrad K Sangma, mynta ka sngi u la pynkup burom ïa ki 41 ngut ki khynnah na ki jaka sumar khynnah bapher bapher kiba la tip kum ki child care institutions na ka thain Khasi bad Jaintia.Kine ki khynnah ki la pyndep bad pass bha ha ka eksamin SSLC 2026.
Haba kren ha ka prokram ba la pynlong da ka tnad Social Welfare, jong ka sorkar Meghalaya, u Myntri Rangbah u la ong, “Naduh hynnin ka sngi ngi la ju pynkup burom ïa ki topper bad mynta ka sngi ngi wan biang hangne ban rakhe ïa ka jingjop jong phi.ka jingshlur jong phi bad ka jingtrei shitom jong phi.”
Haba ïaroh ïa ka mynsiem jong ki khynnah kiba la sah ha ki jaka sumar khynnah bapher bapher, u Myntri Rangbah ka Jylla ula ong ba kam dei kiei kiei kiba suk bad ki jinglong jingman kiba pynlong ïa ka jingjop, da kaba bynrap, “Mynta ka sngi baroh phi la pynshisha ba phi long kiba bit ban don hangne bad ba phi la kiew halor ki jingeh bad ki jingeh kiba phi la ïakynduh.”
U la kyntu ïa ki samla pule kiba la don lang na ka bynta katei ka sngi ba kin ïai trei shitom da ka jingkut jingmut bad jingminot.Nalor ki khusnam kiba dang ai u Myntri Rangbah ka Jylla u la pynbna ba ïa ka jingpule ba kham shalor jong ki khynnah yn kyrshan da ka Chief Minister’s Secretariat.
Ha kane ka prokram la donlang ruh u Myntri ka tnad Pule Puthi, u Bah Lahkmen Rymbui nalor ki ophisar na ka tnad Social Welfare.