Nongstoiñ, Rymphang 28: Ka Office jong ka District Medical & Health Officer West Khasi Hills District lyngba ka RBSK (Rashtriya Bal Swasthya Karyakram) Program, ka pynbna paidbah ba kan don ka Free Screening Camp na ka bynta ki khynnah kiba don ïa ka jingpang klongsnam naduh kiba dang kha haduh kiba 18 snem ka karta da ki Doctor bad ki Specialist jong ka Apollo Children’s Hospitals Chennai ha ka 11 tarik u Lber 2026 ha MCH Hospital, Nongstoiñ.
Kumta ka Office ka ïa wer paidbah ïa baroh ki nongshong shnong kiba don ïa ki khun kiba don ïa ka jingpang klongsnam, ba kin ïa wan ha katei ka sngi ba kin ïoh ïa ka jingmyntoi. Ka por ban sdang ïa ka Screening Camp kan dei naduh ka por 9 baje mynstep.
