Khliehriat, naitung 12: U Deputy Commissioner (Supply), East Jaiñtia Hills District u pynbna paidbah ba la pyllait ïa u Khaw Ration na ka bynta u bnai naitung 2022 ha East Jaiñtia Hills District, Khliehriat.
Ka jingsam ïa u khaw ka long kumne, ba ïa u Khaw AAY yn sam 35 kilo shi ïing shibnai ha ka dor T 3.00 tyngka shi kilo, ïa u Khaw PHH yn sam 5 kilo shikhlieh shibnai ha ka dor T 3.00 tyngka shi kilo, katba ïa u Khaw Non- NFSA pat yn sam 7.215 kilo shi ïing- shibnai haka ka dor die lang ka ba long T 11.77 tyngka shi kilo bad ha ka dor die Khutia ka ba long T 12.34 tyngka shi kilo.
Kumta, la kyrpad ïa ki paidbah ba lada ki lap ïa kino kino ki Dealer ba kim die kat kum ka dor lane kilo kumba la bthah ne kdew haneng, ki dei ban ujor sha u Deputy Commissioner (Supply), ka East Jaiñtia Hills District lane phone sha u Toll free No. 1697, lane sha u District Grievances Officer ka East Jaiñtia Hills District.
