Shillong, Rymphang 11: Ki pulit ki la ïathuh ba ka kong Franzine M Syiemlieh ka la pyntip ba ha ka 9 tarik mynta u bnai ki runar bym lah ban ithuh ki la prong hapoh ka kali Maruti Baleno jong ka kaba don u nombar ML-05T-7444 ha Mawlai Mawroh, Shillong bad ki la tuh kawei ka Tablet bad kawei ka pla kaba don ki jingpynkhuid shkor.
Shuh shuh la don ka jingujor ba ha ka 5 tarik mynta u bnai ha ka por kumba 11 baje mynstep, ki runar bym lah ban ithuh ki la tuh ïa ka car tape napoh ka kali jong u kaba hajan Motinagar, Pollution Control Board, Shillong.
