Pynkhreh lypa ki Army bad Airforce, ban ïarap lada donkam ba bthei ka krem dewïong

Shillong, Rymphang 6: Ka jingbthei bom ha ka par dewiong ha ka 5 tarik u Rymphang ha Mynsyngat, Thangsko East Jaintia Hills ha kaba kala don ka jingiap briew bad kumjuh ruh kiba kiba la mynsaw.
Katkum ka kyrwoh khubor na u Executive Director jong ka State Disaster Management Authority (SDMA) u la ïathuh ba ka search and recue operation mynta ka sngi ka 6 tarik u Rymphang kala sdang ha ka por 9.55 mynstep.
Ki kynhun kiba don bynta ha kane ka search and recue operation ki long na ka SDRF ki don ar kynhun (team), SRT shi kynhun, NDRF lai kynhun, Medical team la phah biang sa kawei ka kynhun na Jowai bad Shillong bad 7 tylli ki ambulance na Jowai.
Na ka liang ki shipai Border Security Force (BSF) la don lang u wei u Deputy Commandant bad 15 ngut ki shipai, 2 tylli ki ambulance bad ki nursing staff bad ar ngut ki doctor, katba ia ki shipai Army bad ki Airforce la buh standby ne kiba la ap lypa.