Nongpoh, Rymphang 04: Ha kawei ka jingjia aksiden kaba la jia ha surok bah National Highway 6 ha 15mer Ri-Bhoi District uwei u rangbah bala tip kyrteng kum u Ravi Saikia (45) ba dei u nongshong shnong ka 15 mer Rangsakona, u la shah tynrah ha kawei ka kali kaba dang ïaid sted katba u dang thmu ban jam sha shilliang surok haduh ba utei u rangbah u la mynsaw jur bad pynkit noh mar mar sha Byrnihat PHC naka bynta ka jingsumar.
Hynrei ynda poi ha jaka sumar ki doctor ka Byrnihat PHC kila pynbna ba utei u rangbah u la khlad noh shuwa ban poi sha Hospital.
La ioh jingtip ruh ba katei ka kali kaba tynrah ïa utei u rangbah kala phet krad noh na katei ka jaka tang hadien katei ka jingjia bad ka jingtohkit naka liang ki pulit ka Byrnihat ka dang ïaid shakhmat ban lapdien ïa katei ka kali.
