Jowai, Rymphang 04 : Ka Jaiñtia Students’ Union (JSU) Raliang Unit hapoh ka jingïalam u President ka Unit u Dapynhunmi Suchiang mynta ka sngi kila leit kynduh ïa u Branch Manager (BM) ka SBI Raliang Branch ban dawa na ka bank ban buh ïa ka Cash Deposit Machine (CDM) khnang ba ki paidbah kane ka thaiñ kin suk ban thep pisa, khamtam ha ka por ba bun briew kane kan pynsuk bha ïa ki paidbah bad kumjuh ruh ïa ki nongtrei ka bank.
Ka seng ka ong ka Cash Deposit Machine lane CDM Machine ka dei ka machine ha kaba ki customer jong ka SBI bank ki lah ban thep pisa khlem donkam ban ap hapoh bank lane ha ki counter, wat hadien ba lah khang ka bank ruh ki Customer ki dang lah ban thep pisa.
Kane ka jingleit kynduh ban dawa ïa ka CDM ha Raliang Branch ka dei hadien ba ka seng kala ïohsngew ïa ia jingud bad jingshitom ki paidbah ban thep pisa ha ka por ba bun briew, namar ha kane ka branch ki briew na kylleng ki shnong jong ka thaiñ Raliang kiba wan ban thep pisa ha kane ka bank.
