Shillong, Rymphang 3: Namar ka jingpyntrei ïa ka surok Shillong – Dawki hajan Mahadev Khola Dam kaba don ha 101 Area Upper Shillong, kata ban khang ïaid ki kali naduh ka 3 tarik hadu ka 18 tarik u Rymphang 2026, ha kaba ïadei bad ka jingpynbeit ban ïaid thymmai jong ki kali heh.
Na ka liang u Superintendent of Police ka East Khasi Hill, Bah Vivek Syiem ha ka kyrwoh khubor ba la phah biang mynta ka janmiet u la pyntip ba na ka bynta ki kali ba kham heh ne kiba kit ïa ki mar kiba kham khia (Heavy Motor Vehicles) kiba wan na Nongstoin/Mawngap kin phai noh na Mawmaram ban ïaid lyngba ka surok Lawmei kaban mih sha surok Umsaw.
