Guwahati, K’Lyngkot 31: Ha ka jingjia kaba sngew kyndit bad kaba phylla, ha ka sngi Saitjain la lap ïa ki met ïap jong ki saw ngut ki samla na Assam hapoh kawei ka kamra ba la shu wai kaba la khang dam ha ka thain Mutsandra jong ka Bengaluru Rural district ha ka sngi Saitjain.
Kine ki lanot la tip kyrteng kum u Jayanta Sinte Khageswar, Narendranath Taid, Doctor Taid bad u Dhananjay Taid.Baroh kine kidei kiba trei ha ka Coca-Cola warehouse jong ka thain bad ki sah marjan bad ka jaka ba ki trei.
Katkum ka jingtohkit, kine ki nongtrei ki la shet jingbam hapoh katei ka ïing ha ka por ba lah miet bad ki la leit thiah noh hadien ba ki la khang lut ia ki jingkhang bad ki jingkhang ïit. Ki nongtohkit ki suba jur ba ka jingiap ki lah ban jia namar ba lah shuh ban ring ne pynhiar mynsiem katba ki dang iohthiah.
Kane ka jingjia ka la paw paidbah ha ka por mynstep haba ki nongtrei kim shym la jubab ïa ki jingkhot, kaba la pynlong ïa kiwei pat ban pyntip sha ki bor pyniaid.
“Ka jingjia kaba thikna kaba la pynlong ïa kitei ki briew ban ïap, ym pat lah ban tip, bad ka jingtohkit kaba bniah ka dang iaid shakhmat”, la ong u heh pulit.
La register case ruh ha thanat Sulibele.
Katba ki ba ha ïing hasem jong kine ki lanot la kynnoh ba ïa kitei ki samla la shah pynïap dusmon.
