Jowai, Naitung 10: Ka Khasi Student Union (KSU) West Jaiñtia Hills District Unit ka ai khublei bad kitbok kitrwiang Behdieñkhlam ba suk ba kmen ïa ki khun ka Seiñraij Jowai kiba shong ba sah kylleng ka bri u Hynñiewtrep Hynñiew skum.Ka seng ka kyrmen ba kane ka jingleh ñiam ïaka Behdieñkhlam ki khun ki hajar ka Seiñraij Jowai kan long kaba phuh ba phieng bad kaba jop khnang ba kin ïoh ïa ka jingkoit jing khiah bad ban bha ka kamai ka kajih bad ka pule ka puthi bad lyngba kane ka jingleh ñiam kaba shisien shi snem kumba ju leh ki long shuwa ki manshuwa.
Ha ka juh ka por ka seng ka kyrpad ïa baroh ki khun ka Seiñraij Jowai ba kin long kiba im Tip Briew im Tip Blei khnang ba kane ka jing pyndep ïa ka jingleh Niam Behdieñkhlam hapoh kine ki ‘soo-sngi le-ïaw’ kan long kiba jop bad phuh bad phieng, ong ka kyrwoh n u samla Juhhi Tariang Publicity Secretary.
