Wahiajer, Nailur 08: Ka Evergreen SC kala jop ïaka Brother United daka jingïashut Tie Breaker ha ka Sngi Saitjaiñ (07 tarik u Nailur 2024) haka lympung “8th Invitation Knock-out Football Tournament” ba la pynïaid da ka Wahiajer Sport Cultural Club, West Jaiñtia Hills District.
Haba phai sha ka jingïakhun haduh ba kut jong ka por bala buh baroh ar kynhun ki lah ïoh ban thep mar 2 kol.
ïaka kol na ka Evergreen SC la thep da u Wompher Phawa haka minit ba 13 & 38. Katba naka liang jong ka Brother United la thep da u Wanbha War haka minit ba 4 bad u Pynkhliañ Nongrum haka minit ba 58.
Kumta haka jingïashut Tie Breaker ka Evergreen SC kala jop da 3-2 kol ïa ka Brother United. Ïaka nam Man of the Match la ïoh khur da u Wompher Phawa naka Evergreen SC.
Ka jingïakhun ba bud kan long haka 12/9/2024 hapdeng ka Ummulong SC pyrshah ïa Mission SC Mawryngkneng haka por 2 baje nohphai sngi.
