Shillong, Nohprah, 23: Naduh ba la seng ïa ka Frank Motors ha kane ka nongbah Shillong haduh mynta, kane ka shlem die kali saw sha ka bapawkhmat ka la lah ban aikam aijam kumba 100 ngut ki briew bad 80 percent ki dei ki samla Khasi trai jylla.
Ïa kane la pyntip da ka Chief Executive Manager jong ka Frank Motors ka Kong Evarika Lyngdoh ha ka jingplie paidbah ïa ka Frank and Friendly Workshop Center kaba don ha ka shnong Laitkor Mawrie ha kaba la sakhi lang da u Customer Care Manager jong ka Tata Motors u Gumeet Singh uba la long kum u Kongsan ryngkat ka jingdonlang jong u RCCM u Arup Sharma, u CCM u Mr Sayak, u Rangbah Dong jong ka dong Mawrie Pdeng u Bah Edmund Kharmalki, u Rangbah Dong u Bah Aibor J. Marbaniang bad kiwei kiwei kiba la shah khot sngewbha.
