Jowai, Risaw, 31: Ka ophis u Deputy Controller jong ka Civil Defence ka West Jaiñtia Hills District, Jowai ha kane ka lah sngi U Blei ka la sdang ïa ka prokram ai jinghikai Training halor ka ‘Capacity building’ na ka bynta ki 72 ngut Civil Defence Wardens bad ki Volunteers Shnong.
Ïa ka jingïalang la pynlong ha Civil Defence and Home Guards Complex, Hall at Synna, Mihmyntdu, Jowai. La wan ban plie ïa ka da u kongsan ma E. Lyngdoh, uba dei ruh u District Transport Officer, Jowai, ha ka jingdonlang u symbud kongsan ma R.R. Suting, District Home Guards Commandant, bah John Kennedy Diengdoh, Deputy Controller of Civil Defence, Jowai, ki nongïalam shnong nalor kiwei de.
Na ka liang u bah John Kennedy Diengdoh ha ka jingkren pdiang ula pynsngew ba kane ka jingai jingai hikai la pynlong tang hapoh kane ka District bad ka long ka jingmyntoi kaba khraw eh ïa ki nongïalam shnong ba hakhmat eh ka District.
Shuh shuh u ong kane ka Course ka long kyrpang ïa ki nongïalam Shnong (Volunteer) bad kaba donkam ka long ban trei shitom ban wan sha kane ka Training bad baroh ki jingdonkam yn ai da kane ka tnad Civil Defence. Ha kane ka Training yn ïoh shibun ki lad jingtip naduh ka rukom ban ai jingïarap ïa ki bor ba halor, ka rukom pluh ding, ka jingwan lyngshop mariang bad ka rukom ai jingsumar (First Aid).
U kongsan Bah E. Lyngdoh ula ong lyngba kane ka prokam kan ïarap ïa ki nongïalam Shnong ba kin tip ïa ki rukom ai jingïarap ha ka por kaba biang bad kan long ruh ka jingmyntoi kaba khraw ha ka jingim.
U kyntu ïa ka tnad ka Civil Defence ba kan pynlong shuh shuh ïa kum kine ki prokram, da kaba ong ka jingïoh lad ban ïakynduhlang hakum kane ka por Training yn ïoh shibun ki jingtip ryngkat ki jingïaphylliew jingmut lang, kumta u kyntu ïa ki nongshah hikai ba kin long kiba minit ban pyndep ïa kane ka Training ba 7 sngi.
