Nongstoiñ, Nailur, 27: Ka Hynñiewtrep Youths Council HYC Lai Lyngdoh Circle hapoh ka jingïalam u Samla Wandapynkmen Marweiñ President ryngkat ka jingsynranlang u Samla Lumlang Kharsyiemlieh President HYC West Khasi Hills ryngkat ki dkhot, mynta ka sngi ka la leit ïakynduh ïa ka Dr Tariang DHMO West Khasi Hills District Nongstoiñ, halor ka jingbuddien ïa ka jingpynbna ka Sorkar ban kyntiew ïa ka Sub Centre Nongkynjang sha ka PHC.
Ka Dr Tariang ka la ong ba mynta ladep khot Tender kumba 6 klur tam la ioh Sanction ïa ki Building kynthup ka PHC bad ki Quarter jong ki Nongtrei. Hadien kata da lah dep ki Building kin sa sanction sa ïa ki Nongtrei.
Ka seng ka sngewnguh ïa ka sorkar kaba la pynïaid shakhmat ïa ki jingkular, hynrei ka kyrpad ban kham pynkloi khnang ba kan pynsuk bad long jingkyrkhu ïa ki paitbah.
