Shillong, Naitung 10: Ki jingïakhun ka lympung Shilong Sports Association Fourth Division 2024 ba la long hynne ka Sngi Balang.
Haba phai sha ka jingïalehkai kaba la long ha SSA Ground, hapdeng ka Golflink SC bad ka Nongthymmai Raitnongkynrih SC, ka jingïakhun ka la jam sha kaba kut ha ka jingïakhaid.
Dei ka Golflink SC kaba la lamkhmat nyngkong lyngba u Zedly Syiemlieh ha ka minit ba14, hynrei ka Nongthymmai Raitnongkynrih ka la lah ban jubab da kaba pynïakhaid noh lyngba u Iashanskhem Marbaniang ha ka 34 minit. Ha kawei pat ka jingïakhun kaba long ha MFA Turf, ka Mawlynrei SC ka la pynjemkhnap ïa ka Umsohsun SC da kaba pynbam haduh 4 kol.
U Martin Marboh u la long u namtam ha kane ka jingïalehkai ha kaba u la ïoh ban khyrwit syndon da ka hat trick (23, 53 & 63 min) katba ka shi kol pat ka la wan na u Daman kyriam ha ka 64 minit.
Ki jingïakhun mynta ka sngi kan long biang ha ka por 4 baje nohphai sngi ha SSA Ground, hapdeng ka Umrynjah SC pyrshah ïa ka Lumpyngngad SC, nangta ha MFA Turf, hapdeng ka Laitlulang SC pyrshah ïa ka Laitkroh SC.
