Shillong, Nailar 10: Ki ar tylli ki jingïakhun jong ki kynhun kiba na ka thup jong ka Group B ha ka lympung ïalehkai SSA U-20 4th Division Football League 2023 kaba la long hynne ka Sngi Palei ha MFA Turf, Polo, ka la jam sha kaba kut ha kaba ka Mawphlang SC ryngkat bad ka Kharang SC ki la khur ïa ka namjop.
Haba phai sha ka jingïalehkai kaba nyngkong kaba la sdang ha ka por 3 baje jan ka nohphaisngi, kaba la pynlong ha 3rd Ground, MFA Turf, Polo ka Mawphlang SC ka la ïoh ban khur shalade ïa ki lai pouint hadien ba ka la jop salit da 1 – 0 kol ïa ka awreng SC.
ïa kane ka shi kol na ka bynta ka Mawphlang SC la ïoh ban thep da u Franky Synrem ha ka 52 minit jong ka kylla kaba ar kaba la biang pura ban btin lynti ïa ka kynhun sha ka namjop.
Haba phai pat sha ka jingïakhun kaba ar kaba la sdang ha ka por 4 baje jan miet ha madan 1st Ground, SSA Stadium, Polo, ka Kharang SC ka la pynliem ïa ka Nongkolew SC da 2-1 kol ban khur shalade ïa ki lai point.
Ki ar kol na ka bynta ka Kharang SC la thep da u Freelyson Tariang ha ka minit kaba 40 bud sa ka kol kaba ar na u Labanstar Taro ha ka 70 minit. Katba ?a ka shi kol na ka bynta ka Nongkolew SC la thep da u Pynshailang Kharwanniang.
Mynta ka sngi, ka 11 tarik kan long tang hapdeng ka Riatsamthiah SC ka ban aireng pyrshah ïa ka Umsohsun SC kiba na ka thup jong ka Group- C, ka ban long ha ka por 3 baje jan miet, ha MFA Turf, Polo. Namar ki daw ki bym lah ban kiar ki nongpynïaid ki la hap ban pynkynriah noh ïa ka jingïalehkai hapdeng ka Lamlynti FC pyrshah ïa ka Lummawbah SC ha ka sngi ba bud.
