Khliehriat, Risaw 02: Ki jingïalehkai phutbol kyrdan 3rd Division jong ka East Jaiñtia Hills District Football Association kaba la long ha ka 2 tarik Risaw, 2024 ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong, ka Umtyra YWSC kala jop da 3-1 ïa ka bad ka Nongsning Youth SSC lynga ka Tie Breaker.
Ka jingïakhun kaba bud, ka Tuber Shohshrieh SSC kala pynliem da 4-1 kol ïa ka Shymplong SCSC. Ki kol na ka Tuber Shohshrieh la thep da u Kyntulang Shylla (5’), u Precious Sutnga (36’-Own Goal), Bahun Bang (53’) bad u Lakhon Bang (74min). Na ka Shymplong la thep da u Elizer Syih (79).
Katba ka Dkhiah West SC kala jop da 1-0 kol ïa ka Wahsanphaw SCSC, lyngba ka kol na u Neverming Kya (61’).
Ki kynhun jong kane ka lympung kiba la ïoh ban rung sha ka Round-16 ki long ka Ryntihlang SC Brichyrnot, Ratacherra CSC, Wapungskur SSWO, Umtyra YWSC, Khliehriat East YWSC, Nongthymme SC, Moopyniein SCSO, Tuberkmaishnong CSC, Suchen Mulieh YWSC, Evergreen SC Ladwahwapung, Dkhiah West SC, Wapung shnong SCSC, Moolang SC, Musniang Rim SC, Lumshnong YWSC bad ka Lakadong Ummat SCC.
