3rd Division: Jop ka Royal Pole Mihmyntdu bad Da-i-hi Mynsngat, ïakhiad ar tylli ki jingïakhun
![](https://mawphor.com/wp-content/uploads/2022/04/Sports-750x430.jpg)
Jowai, Naitung 21: Ka resol jong ka lympung ïalehkai phutbol bala tip kum ka “4th U Adelbert Laloo Memorial Trophy” ha ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA), Jowai, ba la long ha ka Sngi Saitjaiñ (20 tarik, Naitung) ha madan Kiang Nangbah Stadium Dongmihsngi, Jowai.
Haba phai sha ka jingïakhun ba nyngkong kaba la long hapdeng ka West Madan Mustem pyrshah ïa ka Lumkhangdong Kyndongtuber kila poi sha ka jingïakhaid khlem don mano mano ba lah ban pynkhihjar (0-0).
Ha ka jingïakhun kaba ar, la sakhi ïa ka Royal Pole Mihmyntdu kaba la pynliem noh da 1-0 kol ïa ka Nangbah Khloopano. ïa kane ka namtam na bynta ka Royal Pole Mihmyntdu la thep da u Dayomiki Ryngkhlem haka minit ba 55.
Haka jingïakhun kaba lai ka kynhun ïalehkai jong ka Da-i-hi Mynsngat kala pynliem da 4-0 kol ïa ka Dongneiñ Sohmynting, ïa kitei ki kol na ka Da-i-hi Mynsngat la thep da u Deepson Tokbi haka minit ba 15 & 49 bad u Carlus Hadia haka minit ba 31 & 33.
Katba ha ka jingïakhun kaba saw ka Moodymmai bad ka Pammanik ki la ïakhaid da mar 1-1 kol.