Jowai, Naitung 26: Lai tylli ki kynhun ba kynthup ïa ka Riatsaliya Mihmyntdu, Luti Tuber Ialong bad ka Ardamihki Demthring ki la khur jingjop hynne ka sngi ha ka lympung ïalehkai phutbol bala tip kum ka “4th U Adelbert Laloo Memorial Trophy” ha ka kyrdan 3rd Division Football Tournament 2024 bala pynïaid da ka West Jaiñtia District Sports Association (WJDSA) Jowai ha madan Kiang Nangbah Stadium Dongmihsngi.
Haba phai sha ka jingïakhun ba nyngkongla sakhi ïa ka Riatsaliya Mihmyntdu kaba la pynliem noh da 2-0 kol ïa ka Da I hi Mynsngat. ïa ki kol na ka Riatsaliya Mihmyntdu la thep da u Iohhi Chyrmang ha ka minit ba 3 bad u Ishanroy Pde haka minit ba 70.
Katba ka jingïakhun hapdeng ka Dongnein Sohmynting bad ka Lumchyrmang Mihmyntdu kala poi sha ka jingïakhaid khlem da don mano mano ba lah ban pynkhihjar (0-0 kol).
Nangta ka jingïakhun kaba lai la sakhi ïa ka Luti Tuber Ialong kaba la khur jingjop hadien ba pynliem da 2-0 kol ïa ka Lum Sliar sliar. ïa ki kol na ka Luti Tuber Ialong la thep da u Fredrick Dhar haka minit ba 15 bad u Dangait Pale haka minit ba 34.
Ha ka jingïakhun kaba saw ka Ardamihki Demthring kala pynliem da 2-0 kol ïa ka SC SC Nonglatem, ïa ki kol na ka Ardamihki Demthring la thep da u Heisadaemitre Ryngkhlem ha ka minit ba 16 bad u Lodestar Talang ha ka minit ba 70+3.
