Jowai, Nailar 31: Ka Myrjai kala pynliem da 4-3 kol ïa ka Pasyih Cultural by 4-3 ha ka Extra time ha ka jingiakhun Quarter Final jong ka“4th U Adelbert Laloo Memorial Trophy” hynin ka sngi ha ka 3rd Division Football Tournament 2024, bala pynïaid daka West Jaiñtia District Sports Association (WJDSA) Jowai ha madan Kiang Nangbah Stadium Dongmihsngi, Jowai.
Ïa ka kol na ka Myrjai la thep da u Elias Dhar haka minit ba 14, 40+2 & 50 bad u Wanphai Chyrmang haka minit ba 94 (Extra Time), ïa ka kol na ka Pasyih Cultural la thep da u Devi Rymbai haka minit ba 46 & 58 bad u Miki Rymbai haka minit ba 74.
Katba ha ka jingïakhun kaba ar ka Mulang Ialong kala pynliem da 3-0 kol ïa ka Mookaswan Dongwah, ïa ki kol na ka Mulang Ialong la thep da u Sharelang Mulieh haka minit ba 18, u Kordor Dhar haka minit ba 20 bad u Poisuk Dhar haka minit ba 28.
La pyntip ba ka jingïakhun Semifinal kan long haka 3 tarik bad ka 4 tarik u September, 2024.
