SHILLONG, Nailar 29: Ka Lawmali SC ka la khur jingjop ha ka jingïalehkai ka lympung 3th Division Football League 2024 jong ka Shillong Sports Association ba la long ha ka Sngi Palei ha SSA Ground, Polo, katba kawei ka Sanmer bad ka Rynjah ki la ïakhaid.
Haba phai sha ka jingïalehkai kaba nyngkong, ka Gorkha Association ka la shah pynjemkhnap da 1-4 kol ha ka Lawmali SC.
Ka Lawmali SC ka la pynkhih ïa kine ki saw kol lyngba u Playerson Nongkseh u ba la thep ar kol (20 & 54min), u Richmon Buam (22min) bad na u Dameshwa Malngiang (34min), katba ïa ka Gorkha la thep da u Rishikesh Gautam (43min).
Ha ka jingïakhun kaba bud, ka Sanmer SC ka la ïakhaid mar shi kol bad ka Rynjah SC. Ka shi kol ïa ka Sanmer la thep da u Mebankyrshan Khongsam (88min) katba ïa ka Rynjah SC da u Banshailang Khyriem (12min).
Mynta ka sngi, ka Mawshuhbuit pyrshah ïa ka Tynring SC, nangta ka bud hapdeng ka Lapalang SC pyrshah ïa ka Kharang SC, ha SSA Ground, Polo.
