Jowai, Nailar 03: Ka jingïalehkai phubol jong ka kyrdan 3rd Division 2026 League Stage bala pynïaid daka East Jaiñtia Hills District Football Association (EJHDFA) kaba la long mynta ka sngi 3 tarik u Nailar, 2026 ha madan Artificial Ground Diengshynrum, Khliehriat.
Haba phai sha ka jingïakhun kaba nyngkong Cham Cham SCSC kala jop da 3-0 kol ïaka Shymplong SCSC, ïa kitei ki kol na ka Cham Cham SCSC la thep da u Roymon Phawa haka minit ba 10, u Wanme Phawa haka minit ba 18 bad u Viklies Phawa haka minit ba 80+1.
Haka jingïakhun kaba ar ka Maya Club Umkiang kala jop da 5-0 kol ïa ka Kuliang YWSC, ïa kitei ki kol na ka Maya Club Umkiang la thep da u Kermiki Pala haka minit ba 1,10,73 & 80 bad u Suna Kassar haka minit ba 40+1.
Kata ha ka jingïakhun kaba lai ka Youngstar SSC Huroi kala jop da 2-1 Moopala SC, ïa ki kol na ka Youngstar SC Huroi la thep da u Lawan Pynkmen Khongmalah haka minit ba 26 bad u Wanlamborlang Lamin haka minit ba 55. Ïa ka shikol na ka Moopala SC la thep da u Einguh Syrti ha ka minit ba 11.
