Khliehriat, Nailur 10: Ka lympung ïalehkai phutbol jong ka kyrdan 3rd Division bala pynïaid da ka East Jaiñtia Hills District Football Association kaba la long mynta ka sngi 10 tarik u Nailur ha madan EJDSA Artificial Turf, Diengshynrum, Khliehriat.
Haba phai sha ka jingïakhun ba nyngkong ka kynhun ïalehkai jong ka Moopyniein SCSO kala pynliem da 2-1 kol ïa ka Moonongtdu SC, ïa ki kol na ka Moopyniein la thep da u July Siangshai haka minit ba 19 bad u Damisooki Lamare haka minit ba 80+1. Ïa ka shikol na ka Moonongtdu la thep da u Paimi Nongtdu haka minit ba 11.
Ha ka jingïakhun kaba ar ka Tuberkmai Shnong CSC kala jop da 4-0 kol ïa ka Mutong SC, ïa ki kol na ka Tuberkmai Shnong la thep da u Laraikut Sana haka minit ba 13 & 49, u Arnes Ryngkhlem haka minit ba 14 bad u Kirat Phawa haka minit ba 80+.
Katba haka jingïakhun kaba lai ka Suchen Mulieh YWSC kala pynliem da 3-2 kol ïa ka Lama Youth SSC, ïa ki kol na ka Suchen Mulieh la thep da u Eugeneson Sumer haka minit ba 13 & 67 bad u Dominic Suchen haka minit ba 73. Ïa ka kol na ka Lama Youth SSC la thep da u Banshan Dong haka minit ba 18 bad u Soowanki Suchen haka minit ba 79.
