3 sngi yn kyrduh um ha Shillong
![](https://mawphor.com/wp-content/uploads/2022/05/mawphor-1-1.jpg)
Shillong, Naitung, 13: Ka ophis jong u Executive Engineer (PHE) GSWS Division No-II Mawphlang u la pyntip ba ka don ka jingthud jong u pipe um 750mm dia C.I Gravity Main jong ka Greater Shillong Water Supply Scheme ha phyllaw jong ka Agriculture Training Centre (ATC) Hynriew Mer shiteng Upper Shillong bad kan ym don ka jingsam um ha ka 13 tarik, 14 tarik bad 15 tarik mynta u bnai.
Ki shnong ki ban shah ktah ki dei kiba hap hapoh ka Shillong Municipal Board, Shillong Cantonment Areas, Nongthymmai bad Mawlai.
Ka jingmaramot ïa u pipe um ka la ïaid shakhmat bad yn bteng biang ïa ka jingsam um haduh ka janmiet 15 tarik mynta u bnai.