Jowai, Nailur 04: Ka jingïalehkai phutbol bala tip kum ka 6th Debo Shullai Memorial Trophy jong ka kyrdan 2nd Division Football Tournament 2023 bala pynïaid da ka West Jaiñtia District Sports Association (WJDSA) kaba la long hynne ka Lah Sngi U Blei ha madan Kiang Nangbah Stadium, Dongmihsngi Jowai.
Haba phai sha ka jingïakhun kaba nyngkong ka Maitshaphrang Mowtyrshiah kala pynliem da 5-0 kol ïaka Nangbah Dukhu, ïa kitei ki kol na ka Maitshaphrang Mowtyrshiah la thep da u Batskhem Dkhar haka minit ba 28, u Pynsakhiat Dkhar haka minit ba 38, u Risanlang Dkhar haka minit ba 47 & 75 bad u Dapnaki Lamarei haka minit ba 66
Ha ka jingïakhun kaba ar kila poi noh sha ka jingïakhaid da mar 1-1 kol hapdeng ka Khliehmynkrem FC pyrshah ïaka Caroline Colony, ïa ka shikol na ka Khliehmynkrem FC la thep da u Mebanker Challam haka minit ba 72, katba na ka Caroline Colony la thep da u Long Pohlong haka minit ba 77.
Lyngba kane ka jingïakhun mynta ka sngi ka Maitchaphrang Mootyrchiah bad ka Khliehmynkrem FC kila ïoh ban rung sha ka ‘Quarter Final’ jong kane ka lympung.
Ka jingïakhun lashai ka sngi 5 tarik u Nailur kan long hapdeng ka Lumpariat pyrshah ïa ka Chutwakhu haka por 12 baje mynsngi, katba ka West Madan Mustem kan ïakhun pyrshah ïa ka Dongmihsngi haka por 2 baje nohphai sngi.
