2nd Division: Pynliem ka Mawtawar SC ïa ka Nongkrem SC
![](https://mawphor.com/wp-content/uploads/2023/06/ssa.jpg)
Shillong, Nohprah 13: Ka jingïalehkai jong ka lympung 2nd DIVISION Football League 2023 ba la pynïaid da ka Shillong Sports Association hapdeng ka Nongkrem SC pyrshah ïa ka Mawtawar SC ha madan phutbol SSA Ground ka la jam sha kaba kut ha kaba ka Mawtawar SC ka la khur ïa ka namjop.
Ha kane ka jingïakhun ka kynhun Mawtawar SC ka la jop da 2 kol. Kane ka kynhun ka la ïoh ban pynkhihjar nyngkong lyngba u Ricky Chyne ha ka 39 minit ban lamkhmat ïa ka kylla step da shi kol shuwa ba u Elnathan Donkupar Wahlang un pynbud ïa ka kol kaba ar ha ka 83 minit.
Mynta ka sngi kan don haduh ar tylli ki jingïakhun, kaba nyngkong yn sdang ha ka por 11:30 baje mynstep hapdeng ka Imson SC pyrshah ïa ka Nongrah SC bud sa ka jingïalehkai kaba ar ha ka por 2:15 baje nohphaisngi hapdeng ka Sohiong SC pyrshah ïa ka Jongksha SC.