Shillong, Naitung, 15: Ar phew hynriew ngut ki mynder Bangladeshi bad saw ngut ki nong India kiba ïarap ban pynrung tuh ïa kine ki mynder ri ki la shah kem ha ki shipai Border Security Force (BSF) najan khappud jong ka West Garo Hills District.
Lyngba ka jingïoh jingtip kaba bniah na ki tnat syntiat, ki shipai BSF ka 22nd Battalion Meghalaya ki la ïoh bat ïa ki lai tylli ki kali ha Hill Road, Matchokpara, bad ynda la tohkit la shem ba ki don ki mynder Bangladeshi ba la ïarap ban pynrung tuh da ki nong India.
