Shillong, ïaïong, 11: Uwei u nongleh kam bymman uba la tip kyrteng kum u Androsing Mawthoh u la shah rai pynrem da kaba set along 25 snem hapoh ka POCSO Act.
Ïa ka hukum la pynmih da ka Kashari u MK Lyngdoh, Special Judge (POCSO), East Khasi Hills, Shillong ha ka 3 tarik mynta u bnai.
“U Androdsing Mawthoh, uba la lap ba u donkti bad un ngat ha ka jingpynshitom ban shong 20 snem ha along bad un hap siew ïa ka kuna kaba T.30 hajar kum ka jingpynshitom hapoh ka Section 4 of POCSO Act bad lada um lah ban siew ïa ka kuna, un hap ban shong along sa 4 bnai,” la pyntip u SP jong ka East Khasi District u Bah Vivek Syiem ha ka sngi Thohdieng.
U la Nongbishar u la ong ba u nongleh kam bymman ba la shah rai pynrem un hap shong along 25 snem bad un shah daiñ kuna T.50 hajar kum ka jingpynshitom hapoh ka Section 6 of POCSO Act bad lada um lah ban siew ïa ka kuna un hap ban shong along sa 6 bnai.
“Ïa u nongleh kam bymman la rai ban pynrem da kaba set along 3 snem bad ka jingdaiñ kuna kaba T.10 hajar kum ka jingpynshitom hapoh ka Section 8 of POCSO Act bad lada um lah ban siew ïa ka kuna un hap ban shong along sa 2 bnai.
Ïa u nongleh kam bymman la rai pynrem ruh da kaba set along 7 snem bad ka jingdaiñ kuna kaba T.20 hajar kum ka jingpynshitom hapoh ka Section 10 of POCSO Act bad lada um lah ban siew ïa ka kuna un hap ban bteng ïa ka jingshong along sa 3 bnai,” la pyntip u kyrwoh.
Ïa ka case la rejistar ha Madanrting Police Station bad ïa ka jingtohkit la bynshet ha ka WP/SI K. Kumari kaba la shah pynkynriah mynta ha CID Meghalaya, Shillong.
