Tura, Nailur 07 : Ka ïing Bishar Special Judge (POCSO) ka South Garo Hills, kala rai pynrem bad hukum phatok haduh 25 snem ïa u briew uba leh beijot ïa kawei ka Khynnah.
Une u briew u kyrteng u Daljitsing A Sangma, uba la shah register case ha Baghmara Women Police Station ha u snem 2020 hapoh ki kyndon ka POCSO bad IPC.
ïaka jingtohkit la khlieh da ka SWPI Thayana R Marak kaba la pyndep ïa ka chargesheet ha ka 25 tarik Nailur 2020.
Hadien ba pyndep ïa ka jingbishar, ka ïing Bishar Special Judge kala rai pynrem ïa une u briew hapoh ka kyndon 376(2)(f)(n) bad 376(3) jong ka IPC, pule lang bad ka kyndon 3(a), 5(1)(n), bad 6 jong ka POCSO Act, 2012.
Ka ïing Bishar kala hukum ban set phatok 20 snem ïa une u briew bad ka kun kaba T.50,000 hapoh ka kyndon POCSO Act.
Nalor kane la hukum ruh ban set phatok ïa u haduh 25 snem bad ka kuna ba T.50,000 hapoh ka kyndon 376(3) jong ka IPC.
Lada une u briew um lah siew ïa ki kuna, un hap ban shong along sa hynriew bnai.
